Sunday, April 26, 2009

Daniw

LAGIP ti NAPALABAS
(April 2009 Class Reunion)

Naglabas ti adu nga al-aldaw, bul-bulan ken taw-tawen nga di napupuotan.
Ay ket uppat a pulo ket dua nga tawen a di’tay nagkikitan.
Kasta unay ti ragsak ko idi ibaga ni Tante ag-reunion tayo.
Rinugyak nagkararag ti Dios Apo,
Ta sapay makadanon tayo ti aldaw a pinagkikita tayo.
Lumal-lakay, bumab-baket tayo diak kayat baliksen,
Ta panagkitak tunggal maysa ket naguguapo ken napipintas pay laeng.
Ngem gayyem saan a mailibak ta ti buok pumurawen,
Susuop ken siket agut-oten, agpilay-pilay pannagna payen.

Nu mapan ko man lagipen, kada Disyembre
Ada contest ti sal-sala, cheers & yells ken dad-duma pay.
Ket ni Crispina isu ti platoon leader
Nu adda martsa ta napigsa timek na.
Ni Butching ken Claudio school bukol dagitoy apo.
Maturog da umuna sakbay umay agbasa
Tal-lo pulo minuto ti ladaw da.
Dagitoy met bab-barito aginbubulod da ti libro
Ta gayam agpilipit love letter (ay apo).
Nu adda J.S. idi, alas dos ti malem nu mangrugi.
Daytoy man a kuarto ti pagsasalaan tayo.

Dagitoy met PMT pilyen da met dagitay crush da nga sponsor da.
Ket siak met ti band majorette da.
Those were the days talaga.
Adda met GLEE CLUB nga ti maestro ket ni Ben Agpaoa
Daytoy man ti kanta…..

Ay natayen ni Dungialen
Nagagara iti arem-arem-arem…

Ni Mr. Clemente Uclaray isu met ti adviser.
“The Flame” nga isu met ti school organ.
Kitaek iti ladawan, apay naisurotak kinunak?
Ah gayam ket siak iti muse.
Tay maestra tayo ti science, “what is science?”
Kuna ni Mrs. Arcano.
Ti sungbat tayo – “science is a big pasayan”.

Mrs. Fajatin, nalaing ti English with all the accent and her good posture
And red is her favorite color.
Filipino Рdayta ti fort̩ ni Miss Luz Tolentino
Nga nagbalin nga Mrs. Luz Tipon,
Insuro na pangnagdaan, pangkasalukuyan at panghinaharap.
Ni Mrs. Nemesia Unciano, history ti inna insuro.
Adda pay subject tayo nga Spanish,
Agcunjugate tayo O, AS , A, AMOS, AIS, AN.
Physics ken Math – nakapsutak,
Ni Mr. Fajatin ti maestro.
Nalaing dagitoy mangisur-suro,
Nga mangipaduyak-yak ti balligi tayo.

Ngarud natipon-tipon tayo,
Tapnu pabarwen pinagli-linnangen,
Tunggal maysa agragsak,
Ta daytoy nga aldaw ti inaramid ti Apo a pinag rambak.
Kuna tayo “Those were the days my friend.”

No comments:

Post a Comment